ჟიული შარტავას სახელობის სტიპენდიის შესახებ

 

ივანე ჯავახიშვილის სახელობის თბილისის სახელმწიფო უნივერსიტეტის

სოციალურ და პოლიტიკურ მეცნიერებათა ფაკულტეტის

დეკანის ბრძანება

 

 

„უმაღლესი განათლების შესახებ“ საქართველოს კანონის  29-ემუხლის მე-3 ნაწილის „ე“ ქვეპუნქტის, საქართველოს განათლებისა და მეცნიერების მინისტრის 2013 წლის 11 სექტემბრის 135/ნ ბრძანებით დამტკიცებული საჯარო სამართლის იურიდიული პირის – ივანე ჯავახიშვილის სახელობის თბილისის სახელმწიფო უნივერსიტეტის წესდების მე-5 მუხლის მე-2 პუნქტისა და 21-ე მუხლის მე-6 პუნქტის და აფხაზეთის ავტონომიური რესპუბლიკის მთავრობის 2016 წლის 25 თებერვლის N12 დადგენილების დანართ N2– ის საფუძველზე

 

ვბრძანებ:

 

1.გამოცხადდეს კონკურსი ჟიული შარტავას სახელობის სტიპენდიის მოსაპოვებლად აფხაზეთის თემატიკაზე მომუშავე (გარდა პოლიტიკის მეცნიერებისა) სოციალურ და პოლიტიკურ მეცნიერებათა ფაკულტეტის საბაკალავრო და სამაგისტრო პროგრამების სტუდენტთათვის;

 

2.გამოცხადდეს კონკურსი დიმიტრი(არზაყან) ემუხვარის სახელობის სტიპენდიის მოსაპოვებლად აფხაზეთის თემატიკაზე მომუშავე პოლიტიკის მეცნიერების საბაკალავრო და სამაგისტრო პროგრამების სტუდენტთათვის;

 

3.  კონკურსანტმა უნდა წარმოადგინოს შემდეგი დოკუმენტაცია:

• პროფესორის 1 რეკომენდაცია;
• პირადობის მოწმობის ასლი;
• სტუდენტის სასწავლო ბარათი;
• სამეცნიერო ნაშრომების გამოქვეყნების და სამეცნიერო კონფერენციებში მონაწილეობის დამადასტურებელი დოკუმენტაცია;
• სიგელები;
• სერტიფიკატები არსებობის შემთხვევაში;
• ინფორმაცია საზოგადოებრივი აქტივობის შესახებ;

 

4. საკონკურსო დოკუმენტაცია მიიღება  2024 წლის 5ივლისიდან 2024 წლის 20 ივლისამდე თსუ–ს მეექვსე კორპუსის 207–ე ოთახში.

 

5. შეიქმნას საკონკურსო კომისია შემდეგი შემადგენლობით:

• მანანა შამილიშვილი - დეკანის მოადგილე, პროფესორი;
• კონსტანტინე შუბითიძე - საერთაშორისო ურთიერთობის მიმართულების ასოცირებული პროფესორი;
• სანდრო ტაბატაძე-ფაკულტეტის სამეცნიერო კვლევებისა და განვითარების სამსახურის უფროსი, პოლიტიკის მეცნიერების მიმართულების ასისტენტ პროფესორი;
• ელენე გელაშვილი - ფაკულტეტის სასწავლო პროცესის მართვის სამსახურის უფროსი;
• ნათელა მონიავა - ფაკულტეტის სასწავლო პროცესის მართვის სამსახურის უფროსის მოადგილე.

 

6. ფაკულტეტის სასწავლო პროცესის სამსახურმა უზრუნველყოს ბრძანების განთავსება და დაინტრესებლ პირთათვის გაცნობა.

 

7. ბრძანება ძალაშია გამოქვეყნებისთანავე.